Sælt veri fólkið!

Við erum hvergi nærri löggst í dvala þótt sumarið sé í algleymingi. Einhverjir hafa skotist í langþráð frí og sleikja sólina, aðrir þramma um hálendið með sól í sinni frekar enn á vanga. En mulningsvél Vettvangs stoppar ekki og flottar lausnir hafa verið að rótast út hjá undanfarnar vikur, meðal annars fyrir Rauða krossinn, Nespresso í Finnlandi og JA PreventNDC ásamt nýju verkefni tengt Kvennheilsudeginum.

Við segjum líka frá viðurkenningu Awwwards fyrir brandvefinn okkar.

Nespresso Finnland

Nespresso á Íslandi hefur hafið stórsókn á finnska kaffimarkaðinn og lykiltæki í þeirri vegferð er nýr, öflugur söluvefur. Hann tekur mið af hinum íslenska sem nýlega kom út og nýtir sama vefkerfi, en er aðlagaður að finnska markaðnum með ýmsu móti, til dæmis hvað varðar innskráningarleiðir, tungumálastuðning og fleiri efnissíður.

Skoða nánar

Rauði krossinn

Nýr vefur Rauða krossins tjaldar til glænýrri hönnun og ásýnd sem endurspeglar enn betur mikilvæg verkefni og þjónustu á vegum hreyfingarinnar. Notendaupplifun er hámörkuð með skýru flæði og lifandi kvikun, en meðal annarra nýjunga er ný grafík frá Strik Studio sem gefur skemmtilega stemningu og áferð.

Skoða nánar

JA PreventNDC

Átaksverkefnið JA PreventNCD snýr að því að lágmarka áþján og fordóma vegna ósmitandi sjúkdóma. Vettvangur hannaði léttan og skemmtilegan fræðsluvef, þar sem markmiðið er að fækka tilfellum krabbameina, sykursýki og skyldra sjúkdóma með betri forvörnum og skýrari stefnumótun stjórnvalda.

Skoða nánar

Kvenheilsudagurinn.is

Tilgangur nýs vefs fyrir Kvenheilsudaginn er að safna saman reynslu og þekkingu sem konur búa yfir um heilsu sína og íslenska heilbrigðiskerfið. Markmiðið er skapa vettvang þar sem konur geta deilt sögum sínum nafnlaust og byggja þannig upp safn og innsýn í reynsluheim kvenna sem getur smátt og smátt orðið hluti af opnara samtali um heilsu kvenna á Íslandi.

Ósar, móðurfélag fyrirtækja sem sérhæfa sig í heilsu og heilbrigði með einhverjum hætti, standa að Kvenheilsudeginum og reka vefinn.

Skoða nánar

Tvær tilnefningar hjá Awwwards

Fyrr á árinu fengum við tilnefningu til Íslensku vefverðlaunanna fyrir nýja vefinn okkar þar sem við kynntum nýja ásýnd Vettvangs.

Í maí fékk microvefurinn brand.vettvangur.is, þar sem við köfum ofan í hönnunina sjálfa, tvær tilnefningar hjá Awwwards. : „Honorable Mention“ og tilnefningu fyrir bestu leturhönnun.

Einn færasti kvikari (e.animator) landsins, Krzysztof Mike Szkudlarek , á stærstan heiðurinn af brandvefnum:

„Góð leturhönnun er ósýnileg ef hún heppnast vel, hún leiðir þig í gegnum efnið án þess að þú takir eftir henni. Í þessu verkefni finnst mér við höfum náð því vel. Ég er mjög ánægður með útkomuna og þessar flottu viðurkenningar frá Awwwards.“ - Mike.

Skoða nánar

ÞINN FERÐAFÉLAGI

Kíktu í bolla

Verum í bandi

Þú færð þennan póst í þeirri trú að þú viljir fá fréttir af okkur og góð ráð

endrum og eins. En við verðum ekkert sár (ok, pínu) ef þú vilt afskrá netfangið

þitt þá getur þú gert það með því að smella hér Unsubscribe.

Hér getur þú lesið fréttabréfið: Skoða í vafra

HEYRÐU Í OKKUR
Vettvangur
Suðurlandsbraut 6 Reykjavik, 108
(+354) 415 0018
hello@vettvangur.is