Ný hönnunardeild, nýtt fólk - og nýjar lausnir!

Það hefur verið líf og fjör á Vettvangi og hjá Apparatus að undanförnu og mörg spennandi verkefni í gangi. Í þessu fréttabréfi deilum við nokkrum hápunktum undanfarið:

Nýir vefir í loftið - við fögnum útgáfu á glæsilegum nýjum vefjum fyrir Kalon, Egilshöll og nýja fjarskiptafélagið Kosmos.
Hönnun á næsta stig - ný hönnunardeild hefur verið sett á laggirnar sem mun vinna þvert á Vettvang og Apparatus
Nýir starfsmenn - Við kynnum Einar, Ómar og Þóri og bjóðum þá velkomna í hópinn

Hafið það gott í sumar!

Kalon - nýr vefur fyrir nýja ásýnd

Kalon er nýtt vörumerki og ásýnd fyrir heildsölustarfsemi heilsu- og íþróttasviðs lýðheilsufyrirtækisins Icepharma. Í tilefni af nýrri mörkun sem hönnuð var af Hvíta húsinu var smíðaður glæsilegur, nýr vefur sem styður við markaðssókn og auðveldar framtíðarþróun.

Útgáfan er aðeins fyrsta skrefið á spennandi vegferð sem við hlökkum til taka þátt í og segja frá síðar.

Skoða nánar

Egilshöll bætir þjónustu með nýjum vef

Fasteignarisinn Heimar hefur unnið náið með Vettvangi undanfarin ár að þróun veflausna sinna og dótturfyrirtækja. Nýjasta viðbótin í þá flóru er nýr vefur fyrir Egilshöll. Við hönnun vefsins var lögð áhersla á stuð og gleði í takt við fjölbreytta afþreyingu sem þar má finna.

Vefurinn er rekinn í sama vefkerfi og Heimar og fleiri dótturfyrirtæki nota, sem einfaldar mikið stafrænan rekstur.

Skoða nánar

Kosmos - engin geimvísindi

Kosmos er nýtt vörumerki á fjarskiptamarkaði sem ætlar sér stóra hluti og nú er kominn út glæsilegur vefur og nýtt app en lausnirnar voru þróaðar í samstarfi Apparatus og Vettvangs.

Verkefnið fól í sér smíði á heildstæðri stafrænni upplifun þar sem áhersla var lögð á skýra verðlagningu, einfalda þjónustuframsetningu og notendavænt viðmót - sem endurspeglar lykilskilaboð Kosmos um að fjarskipti séu engin geimvísindi!

Skoða nánar

Súperteymi fyrir hönnunina

Stafrænar lausnir standa og falla með vandaðri hönnun þar sem notandinn og þarfir hans eru í algjörum í forgangi.

Til að anna fleiri og metnaðarfyllri verkefnum, og styrkja enn frekar fagmennsku í hönnunarferlum okkar höfum við sett á laggirnar sérstaka hönnunardeild, sem annast hönnun fyrir bæði Vettvang og Apparatus.

Geirlaugur Kristjánsson er hönnunarstjóri og leiðir teymið, en súperteymi hans skipa Kristín Helga Erlendsdóttir, Þórir Rafn Rúnarsson og Ómar Yamak (sjá nánari kynningu á Þóri og Ómari neðar).

„Miklar breytingar hafa átt sér stað á stuttum tíma með komu þriggja öflugra hönnuða. Við höfum innleitt ný ferli og mótað skýrari stefnu fyrir hönnunardeildina, með skýrari áherslum hvað varðar hönnun, notendaupplifun og skilvirkt samstarf. Allt þetta kemur til með að stuðla að meiri gæðum frá upphafi til enda.“ - Geirlaugur Kristjánsson, hönnunarstjóri.

Nýir á Vettvangi

Einar er nýjasti liðsaukinn í þróunarteymi Vettvangs, en hann kemur frá Sjóvá þar sem hann vann að fjölbreyttum bakendaverkefnum, meðal annars við greiningu verkferla áður en þeir voru forritaðir í lausnir. Einari líður vel í bakendanum og þekkir flesta anga þar, en er ófeiminn við framendann ef kallið kemur.

Þórir Rafnar Rúnarsson hefur gengið til liðs við hönnunarteymi okkar sem teymisstjóri hönnunar (e. design lead), sem er nýtt starf. Þórir er stofnandi hönnunarstofunnar Snowhouse Studio og hefur á undanförnum árum unnið að fjölda alþjóðlegra verkefna á sviði stafrænnar hönnunar og veflausna. Í nýju hlutverki mun Þórir nýta alþjóðlega reynslu sína til að styðja við áframhaldandi vöxt hönnunardeildarinnar, þar sem framundan eru fjölmörg spennandi verkefni.

Ómar Yamak er nýr liðsmaður í firnasterku hönnunarteymi Vettvangs og Apparatus. Ómar hefur starfað að UI/UX hönnun síðan 2018, en hann kom meðal annars að því að þróa Upcado spjallmennakerfið hjá Startup Reykjavik, sem gerði íslenskum fyrirtækjum kleift að smíða eigin Facebook Messenger spjallmenni.

Hann stofnaði síðar vefstofuna Mojo og hannaði þar lausnir fyrir fjölbreytta starfsemi. Ómar er nýkominn frá Kyrrahafseyjunni Balí þar sem hann starfaði sem JiuJitsu þjálfari.

Við bjóðum Einar, Þóri og Ómar velkomna til starfa! 🎉

ÞÍNIR FERÐAFÉLAGAR Í STAFRÆNNI ÞRÓUN

Tökum spjallið ☕

Bestu lausnirnar byrja á góðu spjalli. Þar fá hugmyndir að vaxa, áskoranir verða að tækifærum og stefna mótast af skýrri sýn. Saman finnum við leiðina og gerum góðar hugmyndir að öflugum stafrænum lausnum.

Verum í bandi

Þú færð þennan póst í þeirri trú að þú viljir fá fréttir af okkur og góð ráð

endrum og eins. En við verðum ekkert sár (ok, pínu) ef þú vilt afskrá netfangið

þitt þá getur þú gert það með því að smella hér Unsubscribe.

Skoða í browser

HEYRÐU Í OKKUR
Vettvangur
Suðurlandsbraut 6 Reykjavik, 108
(+354) 415 0018
hello@vettvangur.is